Мюнхеннинг «Бавария» клуби ярим ҳимоячиси Йозуа Киммих УЕФА Чемпионлар лигаси умумий босқичининг 3-туридан ўрин олган Лондоннинг «Арсенал» жамоасига қарши учрашув олдидан жамоадаги вазият ҳақида фикр билдирди.
«Бизда жароҳат олган бир-икки нафар футболчи бор. Уларнинг жароҳати жиддий эмас, деб умид қиламан.
Майкл Олисе қизил карточка олгани сабабли ушбу учрашувда майдонга туша олмайди. Албатта, бу вазифамизни бироз қийинлаштиради. Айниқса, бундай юқори даражадаги ўйинда унинг ўрнини тўлдириш осон бўлмайди.
Шунга қарамай, таркибимизда юқори савияли футболчилар етарли. Биз бор кучимизни ишга соламиз. Шахсан мен ушбу учрашувни катта иштиёқ билан кутяпман», — дея Киммихнинг сўзларини келтиради Sky Sports.
«Бавария» Чемпионлар лигаси умумий босқичининг дастлабки икки турида тўрт очко жамғарган ҳолда мусобақа жадвалида 10-ўринни эгаллаб турибди.
«Арсенал» эса икки учрашувда олти очко тўплаб, еттинчи поғонадан жой олган.
«Бавария» ва «Арсенал» ўртасидаги учрашув 21 октябрдан 22 октябрга ўтар кечаси Тошкент вақти билан соат 00:00 да бошланади.
