«Арсенал» сўнгги икки мавсум давомида бир тўп фарқи билан қозонилган ғалабалар сони бўйича Европанинг етакчи бешта чемпионати орасида рекорд ўрнатди.

Squawka Football статистика портали маълумотларига кўра, лондонликлар сўнгги икки мавсумда рақибларини бир тўп фарқи билан 18 марта мағлуб этишган.

Бу Европа топ-5 чемпионатларида иштирок этаётган барча жамоалар орасидаги энг яхши кўрсаткич ҳисобланади.

Англия Премьер-лигасининг 7-турида Микель Артета шогирдлари сафарда «Ноттингем Форест»ни 1:0 ҳисобида мағлуб этишди.

Қизиғи, мазкур учрашувда «Арсенал» футболчилари 70-дақиқага қадар рақиб дарвозаси томон бирорта ҳам аниқ зарба йўллай олишмади.

Лондонликлар бутун баҳс давомида дарвозага атиги битта аниқ зарба беришди ва айнан шу имкониятдан фойдаланиб, ғалабани қўлга киритишди.

«Ноттингем Форест» ҳам ҳужумда самарали ҳаракат қила олмади. Мезбонлар учрашув давомида рақиб дарвозаси томон иккита зарба йўллашди.

Қайд этиш жоиз, Англиянинг амалдаги чемпиони «Арсенал» жорий мавсумда 18 очко билан турнир жадвалида иккинчи ўринни эгаллаб турибди.

Микель Артета бошчилигидаги жамоа пешқадам «Манчестер Сити»дан уч очко ортда қолмоқда.