Мюнхеннинг «Бавария» клуби Германия чемпионатининг дастлабки учта уй учрашувида 18 та гол уриб, Бундеслиганинг янги рекордини ўрнатди.

Винсент Компани шогирдлари сўнгги турда «РБ Лейпциг»ни 6:1 ҳисобида мағлуб этди. Бунга қадар мюнхенликлар ўз майдонида «Штутгарт»ни 5:1, Берлиннинг «Унион» жамоасини эса 7:0 ҳисобида енгган эди.

Шу тариқа «Бавария» Германия чемпионати тарихида мавсумнинг дастлабки учта уй учрашувида 18 та гол урган илк жамоага айланди.

Кейинги турда мюнхенликлар «Фрайбург» билан баҳс олиб боради. Мазкур жамоа ўтган турда мавсумдаги илк мағлубиятини қабул қилиб олган бўлса-да, турнир жадвалининг кучли учлигидан жой олган.

«Бавария» ва «Фрайбург» ўртасидаги учрашув 25 октябрь, якшанба куни бўлиб ўтади.