Франция Лига 1 мусобақасининг дастлабки еттита туридан сўнг турнир жадвалида тарихий ҳолат юзага келди.

Чемпионатда бирданига бешта жамоа — «Лион», «Пари Сен-Жермен», «Париж», «Лилль» ва «Монако» бир хил очко жамғарган ҳолда пешқадамлик учун курашмоқда.

Ушбу клубларнинг ҳар бири ҳисобида 14 очкодан бор. Бу жамоалар ўтказилган еттита учрашувда ўртача икки очкодан қўлга киритганини англатади.

Қайд этилишича, Франция олий дивизиони тарихида мавсумнинг еттинчи туридан сўнг бирданига бешта клубнинг бир хил очко билан етакчилар қаторида бўлиши илк бор кузатилмоқда.

Жамоаларни фақат киритилган ва ўтказиб юборилган тўплар нисбати ажратиб турибди.

Айнан шу кўрсаткич бўйича «Лион» айни пайтда Франция чемпионати турнир жадвалида биринчи ўринни эгаллаб турибди.

Эътиборлиси, навбатдаги турда пешқадамлар ўртасида муҳим тўқнашув бўлиб ўтади.

25 октябрь, якшанба куни «Лион» амалдаги мамлакат чемпиони «ПСЖ»га қарши майдонга тушади.

Мазкур учрашув Франция чемпионатидаги пешқадамлик курашига бевосита таъсир кўрсатиши мумкин.