Мюнхеннинг «Бавария» клуби «Барселона»нинг икки футболчиси — Дани Ольмо ва Жюль Кундега қизиқиш билдирмоқда. Бу ҳақда Mundo Deportivo нашри хабар берди.

Манбага кўра, немис гранди анчадан буён Ольмонинг ўйинларини кузатиб келмоқда. Бироқ мюнхенликлар испаниялик ярим ҳимоячини қишки трансфер ойнасида сотиб олишни режалаштирмаяпти. Унинг трансфери узоқ муддатли истиқболда кўриб чиқилмоқда. Келажакда бу келишув қиймати тахминан 90 миллион еврога етиши мумкин.

Шунингдек, «Бавария» каталонияликлар ҳимоячиси Жюль Кунденинг хизматларига ҳам қизиқмоқда. «Барселона» француз футболчисини 80–90 миллион еврога баҳолаётгани сабабли унинг қишда Мюнхенга кўчиб ўтиши амалда имконсиз ҳисобланади.

«Бавария» раҳбарияти Кунде учун белгиланган нархни ҳаддан ташқари юқори деб ҳисобламоқда ва ҳозирча вазиятни кузатиш билан чекланмоқда.

Жорий мавсумда Ольмо барча мусобақаларда 11 та ўйин ўтказиб, 1 та гол ва 4 та голли узатма муаллифи бўлди. Кунде эса 8 та учрашувда майдонга тушиб, 1 та гол урди ва 1 та ассист қайд этди.