«Комо» бош мураббийи Сеск Фабрегас Италия А Сериясининг 7-турида «Фиорентина» устидан қозонилган 3:1 ҳисобидаги меҳмондаги ғалабадан сўнг жамоасининг ўйинини баҳолади.
Испаниялик мутахассис футболда мукаммал тактик тизим мавжуд эмаслигини таъкидлади.
“Фрозиноне”га қарши ўйинда ҳимоячиларимиз ортига узатилган тўплар бизга жиддий қийинчилик туғдирганди. Аммо бундай муаммо фақат бизда учрамайди.
Бугун ҳимоя ортидаги бўш ҳудудлар билан боғлиқ хавфларни яхшироқ назорат қилдик ва ҳар томонлама мукаммал ўйин кўрсатдик.
Бизнинг услубимизда ҳаракат қилсангиз, маълум таваккалчиликларга тайёр бўлишингиз керак. Идеал тактика мавжуд эмас. Испания терма жамоаси, “Барселона”, “ПСЖ” ва “Бавария” ҳам рақибларига мослашади, лекин шунда ҳам гол ўтказиб юбориши мумкин.
Охир-оқибат, футболчиларнинг индивидуал хусусиятлари турлича бўлишига қарамай, барчасини уларнинг ўйинга бўлган муносабати ҳал қилади», — деди Фабрегас матбуот анжуманида.
Айни пайтда «Комо» 7 та учрашувда 14 очко жамғариб, Италия чемпионати турнир жадвалида 5-ўринни эгаллаб турибди.
Жамоа навбатдаги баҳсини 24 октябрь куни А Сериянинг 8-тури доирасида «Сассуоло»га қарши ўз майдонида ўтказади.
