«Милан» клуби раҳбарият таркибида ўзгариш қилишни режалаштирмоқда. Италия гранди футбол йўналиши раҳбарлигига германиялик Маркус Крешени тайинлаши мумкин.

Таниқли инсайдер Фабрицио Романонинг маълум қилишича, миланликлар 46 ёшли мутахассис билан музокараларнинг якуний босқичига яқинлашган.

Креше яқинда Франкфуртнинг «Айнтрахт» клубидаги спорт директори лавозимини тарк этган.

У фаолияти давомида «Лейпциг» ва «Падерборн» клубларида ҳам спорт директори сифатида ишлаган. Шунингдек, «Байер»да бош мураббий ёрдамчиси, «Падерборн»нинг иккинчи жамоасида эса бош мураббий вазифасини бажарган.

Айни пайтда «Милан» Италия А Сериясининг 7 туридан кейин 15 очко жамғариб, турнир жадвалида тўртинчи ўринни эгаллаб турибди.