«Ювентус» спорт директори Фредерик Массара Италия клубларининг халқаро трансфер бозоридаги имкониятлари чекланиб бораётгани ҳақида фикр билдирди.
Унинг таъкидлашича, А Серия вакиллари молиявий ва рақобатбардошлик жиҳатидан Европанинг бошқа етакчи чемпионатлари клубларига нисбатан мураккаброқ вазиятда қолмоқда.
«Ҳозир халқаро трансфер бозорида қийин даврни бошдан кечиряпмиз. Италия футболи учун вазият янада мураккаблашди.
Биз бошқа топ-чемпионатлар билан солиштирганда рақобатбардошлик жиҳатидан ортда қолмоқдамиз. Шу сабабли сармоя киритишда ҳар бир қарорни пухта ўйлаб қабул қилишимиз зарур.
Самарали ечимларни топиш учун янада ижодкорона ёндашишимиз, вазиятга мослаша олишимиз ва мослашувчанликни оширишимиз керак», — дея Массаранинг сўзларини келтиради Tuttomercatoweb нашри DAZN'га таяниб.
Айни пайтда «Ювентус» Италия А Серияси турнир жадвалида 11 очко билан саккизинчи ўринни эгаллаб турибди.
