"Барселона" бош мураббийи Ҳанс-Дитер Флик Чемпионлар лигасида "ПСЖ"га қарши бўладиган учрашув олдидан Париж клубини сўнгги икки йилдаги дунёнинг энг кучли жамоаси деб атади.
Немис мутахассиснинг таъкидлашича, каталонияликлар учун бу баҳс ўз имкониятларини юқори савиядаги рақибга қарши синаб кўриш имконияти бўлади.
"Эртага бизни жиддий синов кутаётганини яхши тушуниб турибмиз. Жамоам ишонч билан ҳаракат қилишини хоҳлайман. Ахир биз кетма-кет 11 та учрашувда ғалаба қозонганмиз.
Олдимизда сўнгги икки йилда дунёнинг энг кучли жамоаси бўлган, десак муболаға бўлмайдиган рақиб турибди. Бу биз учун ажойиб имконият", — деди Флик матбуот анжуманида.
Эслатиб ўтамиз, "Барселона" 2026/2027 йилги мавсумда ўтказган барча 11 та учрашувида ғалаба қозонган.
"ПСЖ" эса Чемпионлар лигасининг сўнгги икки мавсумида бош совринни қўлга киритган. Парижликлар финалларда "Интер" ва "Арсенал"ни мағлуб этишган.
"ПСЖ" ва "Барселона" ўртасидаги Чемпионлар лигаси учрашуви 20 октябрь куни Париждаги "Парк де Пренс" стадионида бўлиб ўтади. Баҳс Тошкент вақти билан 21 октябрга ўтар кечаси соат 00:00 да бошланади.
