Португалия футбол федерацияси президенти Педру Проэнса миллий жамоа сардори Криштиану Роналдуни мамлакат футболи тарихидаги энг катта бойлик деб атади.
Фуншал шаҳридаги тадбирда сўзга чиққан федерация раҳбари 41 ёшли ҳужумчининг Португалия футболида тутган ўрнини алоҳида эътироф этди.
"Биз Португалия футболи тарихидаги энг буюк бойлик — сардоримиз Криштиану Роналдунинг ватанида турибмиз.
Криштиану Роналду нафақат миллий жамоамиз сардори, балки Португалия футболининг энг муҳим сиймоларидан биридир", — деди Проэнса.
Эътиборлиси, мазкур баёнот Роналдунинг миллий жамоа қароргоҳини тарк этгани учун интизомий жазога тортилгани ҳақидаги хабарлар ортидан янгради.
Аввалроқ Португалия футбол федерацияси тажрибали ҳужумчини 30 кун муддатга терма жамоадан четлатгани ва 255 евро миқдорида жаримага тортгани маълум бўлган эди.
