«Барселона» бош мураббийи Ханс-Дитер Флик Чемпионлар лигаси доирасида «Пари Сен-Жермен»га қарши ўтказиладиган учрашувда майдон марказидаги кураш ҳал қилувчи аҳамият касб этишини таъкидлади.

Германиялик мутахассиснинг фикрича, ҳар икки жамоа ҳам юқори савияли ярим ҳимоячиларга эга. Шу боис тўп назоратини қўлга киритиш ва рақибга имконият бермаслик ғалаба учун асосий омиллардан бири бўлади.

«Учрашув тақдирини ҳал қиладиган асосий жиҳат ярим ҳимоядаги кураш бўлади. Ҳар икки жамоанинг ҳам майдон марказида ажойиб футболчилари бор.

Агар биз тўпни ўз назоратимизда ушлаб турсак, рақиб дарвозамизга гол ура олмайди.

Энг муҳими, хатоларга йўл қўймаслик. Чунки «ПСЖ» жуда аниқ ва самарали ҳаракат қиладиган жамоа.

Шу сабабли бутун учрашув давомида диққатимизни максимал даражада жамлашимиз керак», — деди Флик матбуот анжуманида.

«ПСЖ» ва «Барселона» ўртасидаги Чемпионлар лигаси умумий босқичининг 3-тур учрашуви 20 октябрь куни Парижда бўлиб ўтади.

Баҳс Тошкент вақти билан 21 октябрга ўтар кечаси соат 00:00 да бошланади.