«Манчестер Юнайтед» марказий ҳимоячиси Лисандро Мартинес фаолиятини «Барселона»да давом эттириши мумкин. Бу ҳақда журналист Экрем Конур хабар бермоқда.
Манба маълумотига кўра, каталонияликлар аргентиналик футболчи атрофидаги вазиятни диққат билан кузатиб боришмоқда.
«Барселона» раҳбарияти келаси ёзда «Манчестер Юнайтед» билан шартномаси ниҳоясига етадиган Мартинесни ўз сафига қўшиб олиш имкониятини кўриб чиқмоқда.
Бироқ футболчининг амалдаги келишувида «қизил иблислар»га шартнома муддатини бир томонлама тартибда яна бир йилга узайтириш ҳуқуқини берувчи банд мавжудлиги таъкидланмоқда.
28 ёшли Лисандро Мартинес жорий мавсумда барча мусобақалар доирасида 8 та учрашувда майдонга тушиб, 1 та гол урган.
