«Манчестер Юнайтед»нинг собиқ бош мураббийи Эрик тен Хаг португалиялик юлдуз ҳужумчи Криштиану Роналдуни танқид қилиб, унинг машғулотларга бўлган муносабати ҳақида гапирди.
«Криштиану менга ҳам, жамоага ҳам панд берди. Чунки бизнинг муайян режаларимиз бор эди. Мен уни жуда ҳурмат қилардим. У футбол тарихидаги энг яхши ўйинчилардан бири.
Аммо бош мураббий сифатида мен оқилона қарор қабул қилишим керак эди.
Роналду машғулотларда тўп билан ҳам, тўпсиз ҳам югурмасди. У тайёргарлик кўрмасди. Ваҳоланки, энг яхши футболчи жамоа манфаати учун меҳнат қилиши шарт.
Машғулотлар пайтида Криштиану ҳаммага оёқларини эҳтиёт қилиш кераклигини айтарди», — дея тен Хагнинг сўзларини келтиради The Touchline аккаунти.
Нидерландиялик мутахассис 2022–2024 йилларда «Манчестер Юнайтед» бош мураббийи сифатида фаолият юритган.
