Мадриднинг «Реал» клуби бош мураббийи Жозе Моуриньо 21 ёшли Арда Гюлердан марказий ярим ҳимоячи сифатида кўпроқ фойдаланишни режалаштирмоқда.
Манба маълумотига кўра, туркиялик футболчининг «Севилья»га қарши учрашувдаги муваффақиятли ҳаракатлари (4:1) португалиялик мутахассиснинг бу борадаги қарорига таъсир кўрсатган.
Моуриньо Гюлернинг майдон марказидаги ҳаракатлари жамоага тўпни яхшироқ назорат қилиш ва ҳужумларни самарали ташкил этишда ёрдам беради, деб ҳисобламоқда. Хусусан, футболчининг майдон ичкарисидан узатмалар бериш қобилиятига катта умид боғламоқда.
Аввалроқ португалиялик мураббий Гюлерни ушбу позицияда ўйнатиш қанчалик тўғри эканига шубҳа билан қараган.
Бироқ энди у туркиялик ярим ҳимоячидан мазкур позицияда тез-тез фойдаланишга тайёр. Айниқса, «Реал»дан кўпроқ ҳужумкор ўйин талаб этиладиган учрашувларда Гюлерга шу вазифани топшириш режалаштирилмоқда.
