Мадриднинг «Реал» клуби бош мураббийи Жозе Моуриньо Арда Гюлер ва Федерико Вальверденинг майдондаги энг мақбул позициялари ҳақидаги саволга жавоб берди.

Португалиялик мутахассис ҳар икки футболчининг универсаллигини таъкидлаб, улар турли позицияларда муваффақиятли ҳаракат қила олишини билдирди.

Шунингдек, Моуриньо «Рома»га қарши учрашувда Арда Гюлер ва Бернарду Силвадан бир вақтнинг ўзида марказий ярим ҳимояда фойдаланиш жиддий муаммоларга олиб келиши мумкинлигини айтди.

«Улар учун энг яхшиси — майдонда бўлиш. Иккаласи бир-биридан фарқ қилади, тажрибалари ҳам турлича.

Улар универсал футболчилар бўлиб, бир нечта позицияда ўйнаш ва турли вазифаларга мослаша олиш қобилиятига эга.

Шундай футболчилар борки, ўзларининг одатий позицияларида ўйнамаса, умуман майдонга туша олмайди. Бу инсоннинг ўзи танлайдиган нарса эмас.

Ўтган сафар биз ярим ҳимояда бошқача таркиб билан ўйнадик. Футболчилардан бири кўпроқ позицион вазифаларни бажарди, иккинчиси эса ижодкорликка эътибор қаратди.

Ҳаммаси вазиятга боғлиқ. Мен жамоага мувозанат ва сифат берадиган энг яхши уйғунликни топишга ҳаракат қиламан.

Агар Римдаги ўйинни Бернарду ва Арда билан бошлаганимизда, рақиб дарвозамизга бешта гол урган бўларди. Чунки бундай вазиятни назорат қилиш имкониятимиз бўлмасди.

Баъзан қарорларим тўғри бўлади, баъзан эса хато қиламан», — деди Моуриньо.