"Интер" бош мураббийи Кристиан Киву Чемпионлар лигаси умумий босқичининг учинчи турида "Шахтёр"га қарши ўйин олдидан матбуот анжуманида иштирок этди. Учрашув 21 октябрь куни бўлиб ўтади.
"Бу баҳс бошқа ҳар қандай ўйин каби қийин кечади. "Шахтёр" "Сан-Сиро"га натижа учун курашишга келади — улар йўқотадиган нарсага эга эмас. Чемпионлар лигасидаги ўйинлар ҳеч қачон осон бўлмайди. Майдонга муносиб кайфият ва бор кучни сарфлашга тайёр ҳолда чиқиш керак", — деди "Интер" устози.
Мусобақанинг аввалги учрашувида "Интер" "Брюгге"га 3:4 ҳисобида мағлуб бўлган эди.
"Бирор нарса ўхшамаса, мен футболчиларимни айбламайман. Индивидуал хатоларни уларга тўғри йўл-йўриқ кўрсата олмаганимнинг оқибати сифатида қабул қиламан. Улар етти йилдан бери рақобатбардош бўлиб келмоқда, шунинг учун улардан кўп нарса кутишга ҳақлимиз. Улар нималарни бошдан кечираётганини тушунаман, аммо биринчи навбатда ўзгаришни ўзимдан бошлашим керак".
Украинанинг "Шахтёр" клуби 4 очко билан жадвалда 11-ўринни эгаллаб турибди. "Интер" эса очкосиз 29-ўринда бормоқда.
