Италиянинг «Рома» клуби қанот ҳимоячиси Уэсли Англия Премьер-лигасининг бир нечта клуби трансфер рўйхатидан жой олган.

Football Insider хабар беришича, 23 ёшли бразилиялик футболчи хизматларига «Манчестер Юнайтед», «Арсенал» ва «Ньюкасл» клублари қизиқиш билдирмоқда. Таъкидланишича, «қизил иблислар»га Уэслининг ҳар икки қанотда ҳам ўйнай олиш имконини берадиган универсаллиги жуда маъқул. Бироқ ҳимоячини тахминан 60 миллион еврога баҳолаётган «Рома»нинг молиявий талаблари трансферни амалга оширишни қийинлаштириши мумкин.

Уэсли жорий мавсумда барча мусобақаларни ҳисобга олганда саккизта учрашувда иштирок этди ва битта голли узатмани амалга оширди.

Ҳимоячининг «Рома» билан амалдаги шартномаси 2030 йилнинг ўрталаригача мўлжалланган.