«Барселона» Ханс-Дитер Флик қўл остида муваффақиятли ўйин кўрсатмоқда. Бироқ немис мутахассиси бир кун келиб каталонияликлар бош мураббийи лавозимини тарк этади. Ана шу пайтда «кўк-анорранглилар» Луис Энрикени жалб қилмоқчи.
El Nacional нашри хабар беришича, Энрике бунга қизиқиш билдирган. Луис «Барселона» бош мураббийлигига иккинчи бор қайтиш учун олдиндан замин ҳозирламоқчи.
Манбага кўра, Луис Энрике номзодини ярим ҳимоячи Педри ҳам қўллаб-қувватламоқда. У Испания терма жамоасида мазкур мураббий қўл остида ишлаганидан мамнун бўлган.
Луис Энрике 2014–2017 йилларда «Барселона»ни бошқарган. Унинг раҳбарлигида жамоа тўққизта совринни қўлга киритган. Улар орасида Чемпионлар лигаси кубоги ҳам бор.
