«Наполи»нинг Чемпионлар лигасида Норвегиянинг «Будё-Глимт» клубига қарши ўтказган учрашувида (4:3) жамоасининг биринчи голини урган Маттео Политано ўйиндан сўнг интервью берди.

«Мен доимо масъулиятни ўз зиммамга олишга ҳаракат қиламан. Бундай нуфузли клубда хатога йўл қўйганингда, унинг оқибатлари учун жавоб беришни билишинг керак.

Бугун жамоага ёрдам бера олганимдан хурсандман — гол урдим ва голли узатмани амалга оширдим.

Ҳафта давомида кўп суҳбатлашдик. Бу мавсумни қандай ўтказишни хоҳлаётганимизни ҳал қилишимиз керак эди. Бугун биз жавоб бердик: жамоа тўғри муносабат билдирди, гарчи анча кўп гол ўтказиб юборган бўлсак ҳам», — дея Политанонинг сўзларини келтиради calcionapoli1926.it.

Энди неаполликларни ички чемпионат доирасида «Рома»га қарши муҳим учрашув кутмоқда.