"Барселона" ҳужумчиси Рафинья Чемпионлар лигаси умумий босқичининг 3-турида "ПСЖ"дан учралган мағлубият (2:4) ҳақида фикр билдирди.
"Биз бундай ҳолат юз бериши мумкинлигини билардик. Чемпионлар лигасининг икки карра ғолиби майдонида ўйнадик. Бу жуда кучли жамоа. Албатта, биз ғалаба билан ёки ҳеч бўлмаганда бир очко билан қайтишни истагандик, аммо ҳечқиси йўқ.
Бундай мағлубият қачондир содир бўлиши керак эди. Биз уч очко йўқотдик. Ўйинимизни яхшилашимиз ва "Эл-Класико"га яхши формада етиб боришимиз учун мураббийимиз бизга нималар дейишини кўрамиз.
Бу жуда яхши ташкиллаштирилган жамоа. Натижага қарамай, биз уларга муносиб қаршилик кўрсатдик. Ҳар икки жамоа ҳам тўпга эгалик қилишни хоҳлайди. Менимча, бу яхши синов бўлди ва бундай рақиблар билан тенгма-тенг кураша олишимизни кўрсатди. Ўйлайманки, биз яхши ўйнадик.
Бу мағлубият "Реал"га қарши учрашувга тайёргарлигимизга ҳеч қандай таъсир кўрсатмайди", — деди Рафинья.
