Франция чемпионатида "Лион" шарафини ҳимоя қилаётган аргентиналик ҳимоячи Николас Тальяфико Италия А Сериясига кўчиб ўтиш имкониятига эга.
Инсайдер Экрем Конурнинг ижтимоий тармоқлардаги хабарларига кўра, Туриннинг "Ювентус" клуби футболчини ўз сафига қўшиб олмоқчи. "Кекса синьора" ушбу трансферни январь ойига режалаштирган.
34 ёшли қанот ҳимоячиси 2022 йилнинг ёзидан буён "Лион"да тўп сурмоқда. Унинг клуб билан амалдаги шартномаси 2027 йил июнь ойининг охирида якунланади. Футболчининг бозор қиймати 4 миллион еврога баҳоланмоқда.
Тальяфико Франция чемпионатининг жорий мавсумида ҳозирча атиги битта учрашувда майдонга тушди.
