Мадриднинг «Реал» клуби бельгиялик дарвозабони Тибо Куртуа жамоа билан шартномасини узайтириш эҳтимоли ҳақида фикр билдирди.
«Ҳозирча ҳеч нарса ҳал қилингани йўқ. Аслида, бу масалани тезда ҳал қилиш мумкин. Биз ўртамизда ҳеч қандай муаммо йўқ. Шунчаки агентим ва отам клуб билан айрим тафсилотларни муҳокама қилиши учун вақт топиш керак», — дея Куртуанинг сўзларини келтиради Madrid Xtra.
Куртуа 2018 йилдан буён «Реал» сафида тўп суриб келмоқда. Жорий мавсумда 34 ёшли дарвозабон барча мусобақаларни ҳисобга олганда 11 та учрашувда майдонга тушиб, 13 та гол ўтказиб юборди ва иккита ўйинда ўз дарвозаси дахлсизлигини сақлаб қолди.
Куртуанинг «Реал» билан амалдаги шартномаси келаси ёзда ўз якунига етади.
