Мюнхеннинг «Бавария» клуби ҳужумчиси Серж Гнабри Чемпионлар лигаси умумий босқичининг учинчи турида Лондоннинг «Арсенал» жамоасига қарши бўлиб ўтадиган учрашувдан кутилмалари билан ўртоқлашди.
«Собиқ жамоангга қарши ўйинлар доимо алоҳида аҳамиятга эга. Мен ўша ерда ўсиб-улғайганман ва бу учрашувни катта интиқлик билан кутяпман. Охирги сафар Лондонда ўйнаган эдик.
Илгари бирга тўп тепган жамоадошларингга қарши майдонга тушиш бироз ғайриоддий.
Биз ғалаба қозонишни истаймиз, энг муҳими шу», — дея футболчининг сўзларини келтиради УЕФА матбуот хизмати.
