Ҳуқуқлари "Милан" клубига тегишли бўлган ҳужумчи Кристофер Нкунку "РБ Лейпциг" сафида ўйнашни давом эттиришни хоҳлашини билдирди. Футболчи 2026 йилнинг ёзида Германия жамоасига ижара асосида ўтган эди.
"Биз мавсумни эндигина бошладик. Бу масалани муҳокама қилишда бир нечта томон иштирок этади. Аввало, мавсум якунида клублар ўзаро келишиб олишлари керак.
Шунинг учун ҳаммаси фақат менга боғлиқ эмас. Аммо, албатта, бу ерда янада узоқроқ муддат қолишимни тасаввур қила оламан", — деди Нкунку Sport Bild нашрига берган интервьюсида.
Германия клубида франциялик футболчини 28 миллион еврога сотиб олиш имконияти мавжуд.
Жорий мавсумда Нкунку барча мусобақаларни ҳисобга олганда 8 та учрашувда майдонга тушиб, 4 та гол урди ва 2 та голли узатмани амалга оширди.
