Швейцариянинг «Лугано» клуби Испаниянинг «Хетафе» жамоасига қарши Конференциялар лигаси умумий босқичи 2-тур учрашуви учун асосий таркибни эълон қилди.

Ўзбекистон терма жамоаси ҳимоячиси Беҳруз Каримов учрашув қайдномасига киритилган, бироқ ўйинни захира ўриндиғида бошлайди.

Конференциялар лигаси, 2-тур
«Хетафе» - «Лугано»
«Хетафе»: Сория, Джене, Давинчи, Абкар, Майораль, Франчо Гарсия, Кико Фемения, Монсон, Андрес Гарсия, Валу, Риско.
«Лугано»: фон Балльмоос, Делькруа, Пападопулос, Гргич, Айети, Май, Симиньяни, Бислими, Дос Сантос, Монкада, Дзанотти.

Учрашув 22 октябрь куни Хетафе шаҳридаги «Колисеум Альфонсо Перес» стадионида бўлиб ўтади. Ўйин Тошкент вақти билан соат 21:45 да бошланади.

Эслатиб ўтамиз, «Лугано» Конференциялар лигасининг 1-турида ўз майдонида Сербиянинг «Црвена Звезда» клубини 3:2 ҳисобида мағлуб этиб, уч очко жамғарганди. Беҳруз Каримов ўша учрашувни асосий таркибда бошлаб, 73-дақиқада алмаштирилган. Бу баҳс Ўзбекистон терма жамоаси ҳимоячиси учун Европа мусобақасидаги дебют ўйини бўлган.