«Атлетико» ҳужумчиси Хулиан Альварес Испания чемпионатининг 10-турида «Депортиво»га қарши ўйиндан (1:0) сўнг мухлисларга мурожаат қилди. Ушбу учрашувда аргентиналик футболчи ягона гол муаллифига айланди.
Альварес 2026 йилги Жаҳон чемпионати вақтида билдирган, Мадрид клубини тарк этиш истаги ҳақидаги гаплари учун мухлислардан узр сўради.
«Жаҳон чемпионатида айтган гапларим учун мухлисларимиздан узр сўрайман. Бу хато эди. Гапларни қандай айтганим, уларни айтиш учун танлаган вақтим — буларнинг барчаси нотўғри бўлганини тушунаман.
Мухлисларни яхши тушунаман. Айниқса, жамоага келганимдан бери улар менга кўрсатиб келаётган қўллаб-қувватлашни ҳисобга олсак. Улар менга жуда катта меҳр кўрсатишди.
Энди навбат менга. Мен ишлашим, бор кучимни беришим керак. Шунингдек, менга ёрдам берган ва қўллаб-қувватлаган жамоадошларимдан миннатдорман.
Ўзимни тобора яхшироқ ҳис қиляпман. Жамоадошларим доимо мени қўллаб-қувватлашди. Ўз устимда ишлаб, янада яхшиланишга ҳаракат қиляпман. Жисмоний ҳолатим яхшиланмоқда, тўп билан ҳам ўзимни анча эркин ҳис қиляпман», — дея Альвареснинг сўзларини келтиради AS нашри.
