Эртага, 26 октябрь куни Лондонда бўлиб ўтадиган маросимда "Олтин тўп" соҳиби маълум бўлади. Мюнхеннинг "Бавария" клуби бош директори Ян-Кристиан Дризеннинг фикрича, ушбу мукофот марказий ҳужумчи Харри Кейнга берилиши керак.
"Агар Кейн "Олтин тўп"ни қўлга киритса, бундан жуда хурсанд бўламиз. У ўз ўйинини такомиллаштиришда давом этмоқда ва шу орқали бутун жамоамизнинг ўйин услубини ўзгартирмоқда. У жаҳон миқёсидаги суперюлдуз, шу билан бирга, майдонда ҳам, унинг ташқарисида ҳам ўрнак бўладиган ҳақиқий жентльмен", — дея Дризеннинг сўзларини келтирмоқда Bayern & Germany.
33 ёшли англиялик футболчи ўтган мавсумда 51 та ўйинда 61 та гол урди ва 7 та голли узатмани амалга оширди. Кейн "Бавария" билан Германия Бундеслигаси, Германия Кубоги ва Суперкубогида ғолиб бўлди, Англия терма жамоаси билан эса жаҳон чемпионлигини қўлга киритди.
