"Манчестер Юнайтед" бош мураббийи Майкл Кэррик АПЛнинг 8-турида "Борнмут"дан қабул қилинган йирик мағлубиятдан (0:3) сўнг клубдаги келажаги ҳақида гапирди.
"Ўйиндан кейин майдонни айланиб чиққаним хайрлашув эмасди. Ҳозир турли ҳиссиётларни бошдан кечиряпман. Футболчиларимиз оғир даврни ўтказмоқда. Мухлисларнинг қўллаб-қувватлаши мен учун жуда қадрли.
Натижаларимиз ҳам, ўйин сифатимиз ҳам талаб даражасида эмас. Вазият мураккаблигини яширишнинг ҳожати йўқ.
Кейин нима бўлишини, очиғи, билмайман. Мен бу клуб учун доим бор кучимни берганман ва шундай қилишда давом этаман. Ишимни яхши кўраман ва масъулиятимни ҳис қиламан. Қолганини вақт кўрсатади", — деди Каррик.
Эслатиб ўтамиз, "Манчестер Юнайтед" ўз майдонида "Борнмут"га 0:3 ҳисобида имкониятни бой берди.
