«Интер» ҳужумчиси Маркус Тюрам «Олтин тўп» мукофотини франциялик футболчилардан бири қўлга киритишини исташини билдирди.

«Мбаппе, Дембеле, Олисе — бизда бу совринга муносиб кўплаб иқтидорли футболчилар бор. Ғолиб француз бўлишига умид қиламан», — деди Тюрам.

Асосий даъвогарлардан бири Килиан Мбаппе жорий мавсум 12 ўйинда 12 та гол ва 3 та ассист қайд этган. Ўтган мавсум эса 42 учрашувда 42 та гол урган ва 7 та голли узатма берган.

«Олтин тўп» тақдирлаш маросими 26 октябрь куни Лондондаги «Палладиум» театрида бўлиб ўтади.