«Барселона» «Тоттенхэм»нинг ўнг қанот ҳимоячиси Педро Поррони қишки трансфер ойнасида сотиб олиш режасини кейинга қолдириши мумкин.

Esport3 маълумотига кўра, клуб президенти Жоан Лапорта 27 ёшли испаниялик футболчининг ўйинини юқори баҳолайди. Бироқ каталонияликлар январда уни харид қилишга уринмаслиги кутилмоқда.

«Барселона» қишки трансфер ойнасида асосий эътиборни марказий ҳимоячи сотиб олишга қаратишни режалаштирган.

Порро жорий мавсумда барча мусобақаларда 5 та ўйин ўтказиб, гол ёки ассист қайд этмади.

Transfermarkt портали ҳимоячини 45 миллион еврога баҳоламоқда.