«Милан» ярим ҳимоячиси Кристиан Пулишич клуб билан шартномасини 2031 йил ёзигача узайтиришга келишиб олди.

Журналист Николо Скиранинг маълум қилишича, 28 ёшли америкалик футболчининг янги келишув бўйича йиллик маоши 6 миллион еврони ташкил этади.

Шартномани имзолаш 29 октябрь кунининг иккинчи ярмига режалаштирилган. Ҳозирча келишув расман эълон қилинмаган.

Пулишич 2023 йил ёзида «Челси»дан «Милан»га ўтган. Шу вақтгача у Италия клуби сафида 142 та ўйин ўтказиб, 44 та гол ва 28 та ассист қайд этган.