«Барселона» қишки трансферлар ойнасида ҳимоя чизиғини кучайтиришни режалаштирмоқда. Каталонияликларнинг асосий нишонларидан бири «Манчестер Юнайтед» футболчиси Лисандро Мартинес ҳисобланади.
SPORT нашри маълумотига кўра, аргентиналик ҳимоячи январь ойида «Барселона» сафига қўшилиш имконияти юқори бўлган номзодлар қаторида турибди.
Ҳанси Флик жамоаси ҳимоя марказига тажрибали футболчи жалб қилишни истамоқда. Айниқса, «ПСЖ» ва «Реал»дан учралган сўнгги мағлубиятлардан кейин ушбу позицияни кучайтириш устувор вазифага айланган.
28 ёшли Мартинеснинг «Манчестер Юнайтед» билан амалдаги шартномаси 2027 йил ёзида якунига етади. Бироқ Англия клубида келишувни яна бир йилга узайтириш ҳуқуқи мавжуд.
«Барселона» шунингдек, Йошко Гвардиол, Алессандро Бастони ва Натан вариантларини ҳам кўриб чиқмоқда. Бироқ уларнинг трансфери молиявий жиҳатдан мураккаброқ бўлиши мумкин.
