«Бавария» ҳужумчиси Гарри Кейн ўтган ёзда «Барселона»га ўтиши мумкин бўлган.

Футбол агенти Педро Бравонинг айтишича, у каталонияликлар спорт директори Деку билан Кейннинг эҳтимолий трансферини муҳокама қилган.

«Левандовски кетгач, «Барселона»га ҳужумчи кераклигини билардим. Шунинг учун Декуга Гарри Кейнни таклиф қилдим. У Германияда уч йил ўйнаган ва Левандовски каби трансферни амалга ошириши мумкин эди. Аммо Кейн бу вариантга на розилик, на рад жавобини берганди», — деди Браво.

Ўша пайтда «Барселона»нинг асосий мақсади Хулиан Альваресни сотиб олиш бўлган, бироқ «Атлетико» уни сотишни рад этган.

Натижада каталонияликлар «Арсенал»дан Габриэл Жезусни қўлга киритган. Жорий мавсумда эса Рафиньянинг марказий ҳужумчи сифатидаги муваффақиятли ўйини янги юлдуз форвардга бўлган эҳтиёжни камайтирган.