«Милан» америкалик вингер Кристиан Пулишич билан шартномани узайтирганини расман эълон қилди.

Клуб матбуот хизмати маълумотига кўра, 28 ёшли футболчининг янги келишуви 2031 йилнинг 30 июнигача амал қилади.

Аввалроқ Пулишич янги шартнома асосида йилига 6 миллион евро маош олиши ҳақида хабарлар тарқалганди.

Америкалик футболчи 2023 йил ёзида «Челси»дан «Милан»га ўтган. Шу вақтгача у италияликлар сафида 142 та ўйин ўтказиб, 44 та гол ва 28 та ассист қайд этган.

Transfermarkt портали Пулишичнинг бозор қийматини 35 миллион еврога баҳоламоқда.