«Барселона» бош мураббийи Ханс-Дитер Флик Ла Лиганинг 11-турида «Алавес» устидан қозонилган йирик ғалабадан (6:1) мамнун эканини билдирди.
Каталонияликлар биринчи бўлимдаёқ жавобсиз тўртта гол уриб, ўйин тақдирини амалда ҳал қилди.
«Жуда хурсандман. Биринчи бўлимда тўлиқ устунлик қилдик. «Алавес» яхши ва зич ҳимояланди, аммо шунга қарамай, бўш ҳудудларни топа олдик.
Жамоамизнинг бундай ўйинини кузатиш менга катта завқ бағишлади», — деди Флик.
Учрашувда Рафинья ва Ламин Ямаль дубль қайд этди, Фермин Лопес ҳамда Энтони Гордон биттадан гол урди.
«Барселона» навбатдаги ўйинини 3 ноябрь куни Чемпионлар лигасида «Астон Вилла»га қарши ўтказади.
