"Лион"нинг собиқ ҳимоячиси Самюэль Юмтити "Ланс"нинг Чемпионлар лигасида "Комо"дан учраган 1:9 ҳисобидаги шармандали мағлубиятига муносабат билдирди.
Франция клуби мусобақа умумий босқичининг 4-турида ўз майдонида Италия жамоасига йирик ҳисобда имкониятни бой берди.
"Комо" жуда яхши ўйнади. Алоҳида яккакурашларда ютқазиш, омадсиз ўйин ўтказиш мумкин, аммо футболга бундай муносабатда бўлишга йўл қўйиб бўлмайди. Чемпионлар лигасида бунинг учун жазолашади.
"Комо" ва "Ланс" ўртасида ер билан осмонча фарқ бор эди. Биз икки жамоа ўртасида бунчалик катта тафовутни кўрмаслигимиз керак", — деди Юмтити RMC радиосининг After Foot дастурида.
"Ланс" Чемпионлар лигасидаги дастлабки 4 та ўйинда 3 очко жамғариб, умумий босқич жадвалида 33-ўринни эгаллаб турибди.
Янник Каюзак шогирдлари навбатдаги турда Германиянинг "РБ Лейпциг" клуби меҳмони бўлади.
