Германиялик ҳужумчи Николо Тресольди январь ойидаги трансфер ойнасидаёқ "Брюгге"ни тарк этиши мумкин. Журналист Экрем Конур ижтимоий тармоқларда хабар беришича, ҳужумчи учун курашга "Милан" ҳам қўшилган.
Манбанинг таъкидлашича, жорий мавсум Чемпионлар лигасининг энг яхши тўпурарларидан бири бўлган футболчига Ла Лига, АПЛ ва Бундеслига клублари ҳам қизиқиш билдирмоқда. 22 ёшли футболчи еврокубокнинг жорий мавсумида 5 та гол урди.
Николо ўтган йилнинг ёзидан буён Бельгия клуби шарафини ҳимоя қилиб келмоқда. Унинг "Брюгге" билан амалдаги шартномаси 2029 йил июнь ойи охиригача мўлжалланган. Футболчининг бозор қиймати 35 миллион еврони ташкил этади.
