"Барселона" ҳужумчиси Рафинья Диас мавсумнинг ушбу босқичида бундай юқори натижадорликка эришишини ўзи ҳам кутмаганини тан олди.
"Ҳайратдаман. Бу вақтга келиб шунчалик кўп гол ураман, деб ўйламаган эдим. Доимо ўзимнинг энг яхши ўйинимни кўрсатишга ва барча нарсага имкон қадар тезроқ мослашишга ҳаракат қиламан. Марказий ҳужумчи позициясида ўйнаб ҳам гол ура олишимни билардим, чунки рақиб дарвозасига яқинроқ бўлганингда гол уриш осонроқ. Мен бундан ҳам кўпроқ натижага эриша оламан", — дея Рафиньянинг сўзларини келтиради Marca.
Бразилиялик футболчи жорий мавсумда Ла Лигада 10 та ўйинда иштирок этиб, 15 та гол урди ва шерикларига учта голли узатма берди.
