Октябрь ойининг 18- куни воҳамизнинг икки футбол клуби ўзаро куч синашишади. Ҳар иккала жамоа бир вилоят ҳудудида жойлашган бўлсада, принципиал рақиблар ҳисобланишади. Воҳамизнинг бу иккала жамоаси ўртасидаги учрашувлар дерби мақомига тенгдир ва муросасиз ва қизиқарли кечади.
Кейинги йилларда бу икки жамоанинг ўзаро тўқнашуви турнир жадвалидаги ҳолатидан қатъий назар кескин ва муросасиз кечаётганини кўрамиз. Навбатдаги бўладиган учрашув жамоаларнинг 18 туқнашуви бўлади. Ўтказилган 17 баҳснинг 11 учрашувида “Насаф” жамоаси ғалаба қозонган бўлса, “Шўртан” ҳисобида 5 та ғалаба мавжуд. Атиги бир ўйинда жамоалар муроса йўлини танлашган. Тўплар нисбати 36-19 “Насаф” фойдасига.
Ушбу жамоаларнинг ўртасида кечган баҳсларда “Насаф” сафида энг кўп гол киритган футболчи бу Зафар Ҳолмуродов. У “Шўртан” дарвозасини 7 марта аниқ нишонга олган. Ўз вақтида ғузорликлар сафида ўйнаган Игорь Таран эса “Насаф” дарвозасига энг кўп гол урган ўйинчи бўлиб турибди. У 4 марта ўзаро ўйинларда гол киритган.
Жамоалар тарихида навбатдаги Ғузордаги бўладиган учрашув 9-ҳисобланади. Бўлиб ўтган 8 учрашувнинг 5 тасида “Шўртан” жамоаси “Насаф” устидан ғалаба қозонган, 3 марта эса “Насаф” жамоаси ғалабага эришган. Кўриниб турибдики, жамолар Ғузордаги учрашувларда умуман дуранг натижа қайд этишмаган.
Жамоалар биринчи даврадаги 5-турда Қаршида ўзаро туқнаш келишган. Унда қаршиликлар “Шўртан”ни 3:0 ҳисобида доғда қолдиришган эди. Тўпларга Илҳом Шомуродов 2 марта, бир вақтлар “оқ бўрилар” сафида тўп тепган Артур Геворкян 1 марта муаллифлик қилишган.
Ўтказилган 17 учрашувда 1 марта энг йирик 5:0 ҳисоби қайд этилган, бу 2011 йил Қаршида содир бўлган, “Насаф” ана шу ҳисобда “Шўртан”ни мағлуб этган. Ушбу жамолар сафида ўз вақтида ҳар иккала жамоа сафида тўп тепган ўйинчилар кўп учрайди. Ўтган йилги мавсумда “Шўртан” сафида ўйнаган Ҳамза Каримов навбатдаги учрашувда “Насаф” сафида майдонга тушадиган бўлса, у бу йилги мавсумда ўзининг собиқ жамоасига қарши иккинчи марта кураш олиб боради.
Ўзаро учрашувлар
19.03.2005. 1 тур.
“Насаф” - “Шўртан” 4:0
Голлар: Холмурадов З, 36, 38 84, Келдиев В, 64 .
07.11.2005. 26 тур.
"Шўртан"- "Насаф" 2:1
Голлар: Холмурадов 2 (1:0), Таран 55, 74.
28.05.2006. 11 тур
“Насаф”- “Шўртан” 3:2
Голлар: Келдиев 22, Аликперов - пен, 42, 61, Иноғомов 73, Таран 90.
18.09.2006. 20-тур.
“Шўртан” - “Насаф” 2:3
Голлар: М. Иноғомов 42, 53 Холмуродов 10, В Алекперов 31, Узоқбоев 83.
22.06.2007. 14 тур.
“Шўртан”–“Насаф” 0:1
Голлар: Ҳолмурадов 56 (0:1),
15.08.2007. 17 тур.
“Насаф” –“Шўртан” 2:1
Голлар: Атоев 16 (0:1), Аъзамов 20 (1:1), Аъзамов 70 (2:1)
29.03.2008. 3-тур.
“Насаф” –“Шўртан” 2:0
Голлар: Холмурадов 38 (1:0), Бердиев 85 (2:0)
12.11.2008. 28-тур.
“Шўртан”- “Насаф” 3:2
Голлар: Боев 43, Юсупов 57, Ихеруоме 71, Бобоев - пен, 78, Оноров 90.
01.03.2009. 1-тур.
“Насаф" - "Шўртан" 4:2
Голлар: Ж. Жиямурадов (19, 52), А. Филипосян (64), И. Шомуродов (69) З. Полвонов (12, 15).
09.11.2009. 30- тур.
“Шўртан” –“Насаф” 1:0
Гол: Г.Мегреладзе (13).
13.03.2010. 1-тур.
"Насаф" - "Шўртан" 0:0
31.10.2010. 26-тур.
"Шўртан» - «Насаф» 1:0
Гол: В. Клишин (90+2).
15.06.2011. 12-тур.
“Насаф” -“Шўртан” 5:0
Голлар: 1:0 - Шомуродов Илҳом, 10, 2:0 - Отақузиев Носир, 50, 3:0 - Отақузиев Носир, 59, 4:0 - Переплёткин Андрей, 79, 5:0 - Отақузиев Носир, 84
6.08.2011. 15-тур.
”Шўртан” – “Насаф” 2:1
Голлар: Предраг Вуйович 10, 1:0. Вадим Афонин 18, 2:0. Илҳом Шомуродов 40, 2:1.
11.05.2012. 8-тур.
”Шўртан” –“Насаф” 2:3
Голлар: 1:0 - Пономарев Вячеслав, 45+1. 1:1 - Жиямуродов Жаҳонгир - пенальтидан, 65. 1:2 - Бошкович Иван, 75. 2:2 - Таран Игорь - пенальтидан, 84. 2:3 - Тўраев Кенжа, 86.
14.09.2012. 19-тур.
“Насаф” – “Шўртан” 2:1
Голлар: В.Шишелов,31, И.Таран, 55, Ф,Мусаев, 70
14.04. 2013 йил. 5-тур
"Насаф" - "Шўртан" 3:0
Голлар: Илҳом Шомуродов 20-1:0,32-2:0, Артур Геворкян 42-3:0.
Навбатдаги учрашув:
Олий лига, 22-тур. 18 октябрь 2013 йил. "Ғузор марказий" стадиони.
"Шўртан" (Ғузор) - "Насаф" (Қарши)
Ҳакамлар: Ҳ.Рўзиев (Тошкент), Х.Мирзааҳмедов (Тошкент вил.), Т.Гайнулин (Тошкент), О.Тўйчибоев (Тошкент)
Назоратчи: Ғ.Каримов (Тошкент).
Комиссар: А.Худайдатов.
Жамоалар ўринбосарлари ўртасидаги учрашув 17 октябрь пайшанба куни соат 15:30да бошланса, асосий таркиб ўйинчилари ўртасидаги учрашув 18 октябрь жума куни соат 16:00да бошланади.
