Олий лига масаласини муддатидан олдин ҳал қилган «Андижон» кеча ўз майдонидаги биринчилик баҳсларининг ёпилиш учрашувида Косоннинг “Аланга” клубини қабул қилди.

Ўйинни мезбонлар ҳужумлар билан бошлашди. Аммо косонликлар дастлабки дақиқаларда муносиб қаршилик кўрсатдилар. 13-дақиқада Расул Раҳмоновнинг узоқдан тепган тўпи ноаниқ кетди. 20-дақиқада мезбонлар ҳисобни очиш учун жуда яхши имкониятга эга бўлишганди. Раҳмоновнинг пасидан сўнг Лочин Солиев дарвозабон билан бирга-бир чиқди. Лекин “Аланга” посбони вазиятни тўғри баҳолаб хавфни бартараф этди. Майдон эгалари биринчи бўлимда ҳар қанча ҳаракат қилишмасин рақиб дарвозасига йўл топа олишмади.

Иккинчи бўлимда Азамат Абдураимов таркибда ўзгаришларни амалга ошириб, Акмал Жўрабоев, Алишер Тўхтасинов ва Асрор Раҳмоновни майдонга туширди. Бу ўзгаришлар ўз самарасини берди ва 54-дақиқада Тўхтасиновни бурчакдан оширган тўпини Жўрабоев боши билан дарвозага жойлаб қўйди. Шундан кейин ҳам андижонликлар ҳужумга зўр беришди. 68-дақиқада Лочин Солиев ҳам ўзини кўрсатиб рақиб дарвозасига иккинчи тўпни киритди. 72-дақиқада Жўрабоев чамаси 20 метрлардан дарвозани аниқ ишғол қилиб ўз дублини расмийлаштирди. 77-дақиқада эса Жўрабоев яна кучли зарбаси билан энди хетт-трикка эришди. 88-дақиқада Баҳром Абдураҳимов ҳам ўз ҳисобига гол ёзиб қўйди.
Иккинчи бўлимни жуда фаол ўтказган андижонликлар ўз майдонидаги сўнгги учрашувни ажойиб ғалаба билан якунлашди.

БИРИНЧИ ЛИГА, 14-ТУР
“АНДИЖОН” - “АЛАНГА” - 5:0 (0:0)
16 октябрь. Андижон. “Соғлом авлод” стадиони.
Ҳакамлар: Ш.Бозоров, О.Абдувосидов, А.Ўринов.
Назоратчи: Д.Роман.
“Андижон”: А.Турсунбоев, Д.Маҳмудов, Р.Қодиров (А.Раҳмонов, 46), А.Азизов, Ғ.Комилов (И.Ибрагимов, 60), Б.Ғозиев, Б.Абдураҳимов, Л.Солиев (А.Қаюмов, 81), А.Жадигеров (А.Жўрабоев, 46), Р.Раҳмонов, С.Соибов (А.Тўхтасинов, 46).
“Аланга”: Ж.Ислёсов, Ф.Холмуродов, С.Абдураимов, З.Комилов (Ш.Йўлдошев, 78), Х.Суюнов, Э.Эргашев (Ш.Сагдуллаев, 76), С.Раҳматуллаев, А.Исматиллаев, А.Нормуҳаммедов (А.Рахимзода, 80), Ш.Қиличев, Т.Бекчанов.
Голлар: А.Жўрабоев, 54 - 1:0. Л. Солиев, 68 - 2:0. А.Жўрабоев, 72 - 3:0. А.Жўрабоев, 77 - 4:0. Б.Абдураҳимов, 88 - 5:0.
Огоҳлантиришлар: Р.Қодиров, 33. Д.Маҳмудов, 41. З.Камолов, 52.