Кеча бўлиб ўтган Германия чемпионатининг 9-тури доирасида "Хоффенхайм" ва "Байер" ўртасидаги ўйинда ғалати воқеа содир бўлди.

Учрашувнинг 70-дақиқасида "Байер" ҳужум уюштирди ва баландлаб етказилган тўпни Кисслинг бош билан дарвоза томон йўллади. Тўп шундоққина дарвоза устуни ёнгинасидан ўтиб, тўрга ташқи томондан тегдию, бирданига дарвоза ичида пайдо бўлиб қолди.

Маълум бўлишича, дарвоза тўрининг ён томонида тешик мавжуд бўлиб, тўп ўша тешик орқали дарвоза ичига кириб қолди. Ҳакам Феликс Брих эса буни пайқамади ва голни инобатга олди. Бу "Байер"нинг иккинчи голи бўлди. Ўйин тугашига 2 дақиқа қолганида "Хоффенхайм" битта жавоб тўпини киритди. Аммо мағлубиятдан қутулиб қола олмади. Боз устига, майдон эгалари 83-дақиқадан пенальтидан фойдалана олишмади.

Хоффенхайм - Байер - 1:2 (0:1)
Голлар: Сэм 26 (0:1). Кисслинг 70 (0:2). Шипплок 88 (1:2).
Ноаниқ пенальти: Фирмино (Хоффенхайм), 83
Бош ҳакам: Феликс Брих