«МЮ»нинг собиқ устози сэр Алекс Фергюсонга бир неча йиллар ёрдамчилик қилган Майк Феланнинг таъкидлашича, сэр ҳозир жамоада бўлганида бирорта жаҳон даражасидаги юлзузни Манчестерга олиб келган бўларди.

«Агар Фергюсон ва Девид Гилл (аввалги клуб президенти) жамоада бўлишганида улар бирорта жаҳон даражасидаги юлдузни «Юнейтед»га олиб келишарди. Бу қайси футболчи эканини сизга айта олмайман.

Фергюсон бу ҳақда Гиллга айтган эди ва ўз навбатида президент ҳам транферни амалга оширишга киришганди. Шуни айтишим мумкинки, бундай футболчилар жаҳон футболида бармоқ билан саноқли. Ким ҳақида гап кетаётганини сезгандирсиз.

Биз сэр билан жамоани тубдан ўзгартириш шарт эмаслигини маслаҳатлашган эдик. Шунинг учун фақат мана шу трансфер ҳақида ўйладик. Биргина трансфер жамоани бутунлай ўзгартириши мумкин. Буни Робин ван Перси мисолида кўрдингиз»,- дейди Фелан.

Хабарингиз бор, ўтган мавсумда «МЮ» Гарет Бэйл, Криштиану Роналду ва Сэск Фабрегасларни ўз сафига қўшиб олишни мақсад қилган эди.