Осиё Футбол Конфедерацияси Президенти Шайх Салмон бин Иброҳим Ал-Ҳалифа Япония, Ўзбекистон ва Эрон ўсмирлар терма жамоаларини Жаҳон чемпионатининг кейинги босқичига чиққани билан табриклади.

"БААда ўтаётган Жаҳон чемпионатининг ҳақиқатан ҳам ажойиб ўтган гуруҳ баҳсларига гувоҳ сифатида шу имкониятдан фойдаланиб ФИФА ва БАА футбол федерацияларига ўз миннатдорчилик ва эҳтиромимни билдирмоқчиман.

Турли миллатлар орасида Осиёнинг эртанги юлдузлари бундай муҳим мусобақада қатнашиб ўз фаолиятларида олдинга қараб яна бир жиддий қадам ташлашмоқда.

Ўзим гувоҳ сифатида ишонч билан айтишим мумкинки, Жаҳон чемпионати нафақат футболчиларнинг футболдаги тажрибасини оширади, балки ўйинимизнинг маданий, таълимий ва ижтимоий аҳамиятини ҳам кенгайтиришда асосий рол ўйнайди. Бу мусобақада қатнашаётган истеъдоднинг келгусида қўлга киритажак ютуқларини ҳеч қачон таҳмин қила олмаймиз, лекин биз ўз масьулиятимизни ўйинчиларимизнинг ақлий, жисмоний салоҳиятларини ошириш учун бир куни юлдуз бўлишига умид билан имкони борича энг яхши шароитларни яратиб бериш йўлида сарфлай оламиз.

Шуларни таъкидлаган ҳолда мен бу мусобақада фақат ўз мамлакати номидан эмас, балки Осиё футболи оиласининг шарафи учун курашаётган Ироқ, БАА, Ўзбекистон, Эрон ва Японияни табриклашни хоҳлардим.

Осиёнинг беш жамоасидан учтаси юқори босқичга ўта олгани бизга аъзо мамлакатларнинг ривожланиш дастурлари нақадар тўғри бўлганини кўрсатмоқда. Шунга қарамай таъкидлашни истардимки, менга бу мусобақа ушбу рақамни кўпайтириш учун яна нималар устида ишлаш кераклиги, келгуси йилларда қайси йўналишни яхшилаш кераклиги тўғрисида тушунча ҳосил қилиш имконини ҳам берди.

Бизга улашган хурсандчилик ва завқ учун уларга раҳмат айтаман ва қатьиян ишонаманки, бизнинг осиёлик вакилларимиз навбатдаги босқичда ҳам қойилмақом тарзда ўйнашда давом этишади", - дейилади ОФК Президенти табрик номасида.