“Бунёдкор” – “Қизилқум” учрашувидан кейинги матбуот анжуманинг иккинчи қисмида “қалдирғочлар” катта мураббийи қатнашди.

- Бугунги учрашувда ғалаба қозониш биз учун жуда муҳим эди. Чемпионлик учун курашда очко йўқотишга ҳаққимиз йўқ.

Биринчи бўлимда рақиб дарвозасига учта тўп киритиб, бугунги баҳсга қўйилган вазифамизни деярли бажариб бўлгандик. Шу боисдан ҳам қолган дақиқаларда бироз хотиржамроқ ўйин кўрсатдик.

Олдимизда “Насаф”га қарши қийин ўйин кутиб турибди. Умуман, сўнгги турларда ҳеч бир жамоани осон ўйин кутиб тургани йўқ. Қаршидаги ўйинга ҳам пухта хозирлик кўрамиз.

Ҳар бир жамоа ғалаба илинжида майдонга тушиши керак. Ютқазмайдиган жамоанинг ўзи йўқ, - дейди Ҳикмат Муҳаммаджонович.