«Динамо» - «Металлург» учрашуви якунланганидан сўнг, ҳар икки жамоа бош мураббийилари журналистлар саволларига жавоб қайтаришди.

«Оғир учрашувлардан бирини ўтказдик», дея гап бошлади Равшан Акмалович.

«Биз учун натижа жуда муҳим эди. Шу боис чиройли ўйин кўрмаган бўлишимиз мумкин. Футболчиларим кўрсатмаларимни яхши бажаришди. Албатта, камчиликлар ҳам кўзга ташланди. Ўйин бошиданоқ гол уриб олганимиз бизга қўл келди. Натижа кераклиги учун бутун ўйин давомида йигитлар босим остида тўп суришди. Кейинги ўйинларда «Гулистон» ва «Нефтчи»ни мағлуб этиб мавсумни юқорироқ ўринда якунлашга интиламиз» - дейди мураббийи.

Бу борада меҳмонлар устози Рустам Мирсодиқов ўйинда динамочиларда иштиёқ кучли бўлганлигини таъкидлади

«Бугунги ўйинда «Динамо»нинг иштиёқи кучли эди ва шу боис рақибларимиз ғалаба қозонишди, деб ўйлайман. Яъни, Самарқанд жамоасига ғалаба кўпроқ керак эди. Улар турнир жадвалида ўз ўрнини сақлаб қолиш учун ҳаракат қилмоқда. Биз бу йилги мақсадимизга эришдик. Бизнинг асосий мақсадимиз мухлисларга чиройли ўйин ва ғалаба тортиқ этиш билан бирга Олий лигадаги ўз ўрнимизни сақлаб қолиш» - дея фикрини якунлади Рустам Тўхтамуродович.