Бу жамоалар миллий чемпионатларимиз тарихида ҳозиргача ўн бир маротаба ўзаро куч синашган. Шулардан учтасида «Қизилқум» футболчиларининг қўли устун келган.
Яна икки ўйинда жамолар ўзаро очко бўлишган. Қолган олти учрашувда омад олмалиқликларга кулиб боққан. Ўзаро учрашувларда киритилган тўп бўйича ҳам ҳозирча устунлик «Олмалиқ» вакиллари томонида: 13:20.
Шу кунга қадар ўтказилган ўн бир учрашув якунига кўра, навоийликлар 11 очкони ўзлариники қилишган бўлса, олмалиқликлар 20 очко жамғаришган.
Ўзаро баҳсларда энг йирик натижа 2010 йилги мавсумда қайд этилганди. Олмалиқда ўтган ушбу учрашувда «Қизилқум» рақибига 1:5 ҳисобида ютқазган.
Ўзбекистон XXII миллий чемпионатини муваффақиятсиз бошлаган навоийликлар биринчи даврада сафарда «Олмалиқ»қа 1:2 ҳисобида имкониятни бой берганди. Иккинчи давра учрашувларини кўтаринки руҳда ўтказаётган Юрий Лукин шогирдлари ўз майдонида деярли барча ўйинларни ҳужумкор руҳда ўтказаётганлигини ҳисобга олсак, бу гал «Қизилқум» ўз мухлисларини қувонтиришига шубҳа йўқ. Қолаверса, навоийликларни мазкур ўйинда ғалабадан бошқа бирорта ҳам натижа қаноатлантирмайди.
Тиниб-тинчимас футболимиз жонкуяри Ҳамид Актамов раҳбарлигида кучлилар қаторида мавқеини сақлаб қолиш учун астойдил бел боғлаган «Қизилқум» футболчиларига фақат омадлар тилаймиз.
Қуйида жамоаларнинг ҳозиргача ўтказган ўзаро учрашувлари натижалари билан танишинг:
2008 йил
6-тур, 19 апрель
«Қизилқум» — ОТМК — 2:0
21-тур, 25 октябрь
ОТМК — «Қизилқум» — 2:0
2009 йил
5-тур, 11 апрель
«Қизилқум» — «Олмалиқ» — 0:1
26-тур, 17 октябрь
«Олмалиқ» — «Қизилқум» — 2:0
2010 йил
10-тур, 22 май
«Қизилқум» — «Олмалиқ» — 1:0
17-тур, 21 август
«Олмалиқ» — «Қизилқум» — 5:1
2011 йил
13-тур, 27 июнь
«Қизилқум» — «Олмалиқ» — 3:3
14-тур, 31 июль
«Олмалиқ» — «Қизилқум» — 2:1
2012 йил
5-тур, 22 апрель
«Олмалиқ» — «Қизилқум» — 2:2
22-тур, 6 октябрь
«Қизилқум» — «Олмалиқ» — 2:1
2013 йил
2-тур, 9 март
«Олмалиқ» — «Қизилқум» — 2:1
