"ПСЖ" бош мураббийи Лоран Блан Чемпионлар лигаси гуруҳ босқичининг 4-турида "Андерлехт"га қарши ўйин учун 18 нафар футболчини рўйҳатдан ўтказди.
Клуб расмий сайтида берилган рўйҳатда ҳимоячи Тиаго Силва ва ҳужумчиси Златан Иброҳимович ҳам киритилган.
Бразилиялик футболчи сентябрнинг охиридан буён жароҳати сабаб майдонга тушмай келган бўлса, Швеция терма жамоаси сардори "ПСЖ"нинг Биринчи дивизиондаги охирги ўйинини тиззасидан олган кичик жароҳат боис ўтказиб юборганди. Иккала футболчи ҳам олдиндаги ўйинда қатнашиши мумкин.
Аммо қўшимча қилиш жоиз, ҳужумчи Эдинсон Каванида айни пайтда жароҳат бор ва у ўйинда иштирок этмайди.
Дарвозабонлар: Сиригу, Дюше;
Ҳимочилар: Ван дер Виль, Жайе, Алекс, Маркиньос, Тиаго Силва, Динь, Максвелл;
Яримҳимоячилар: Мотта, Матюиди, Рабьо, Верратти, Пасторе, Лукас Силва, Менез;
Ҳужумчилар: Ибрагимович, Лавесси.
«ПСЖ» – «Андерлехт» учрашуви 6 ноябрга ўтар кечаси Тошкент вақти билан соат 00:45да бошланади.













