Биринчи лигада мавсум якунланган бўлишига қарамай, “Андижон” жамоаси ҳали қишки таътилга чиққани йўқ. 3 ноябрдан жамоа ўз қароргоҳига йиғилди. Машғулотлар бир ҳафтача давом этиши кўзда тутилган.

Тўғри, таркиб ҳали тўлиқ йиғилгани йўқ. Қолаверса, машғулотлар кунига бир маҳалдан ўтказилмоқда. Бугун “Соғлом авлод” стадионида асосий таркиб футболчилари ёшларга қарши назорат учрашувини ўтказди. Бу беллашувда кучлар тенг келди – 1:1.

Учрашувда таркиб қуйидагича бўлди: А.Турсунбоев, Д.Турсунов, Ғ.Комилов, Р.Қодиров, И.Ибрагимов, А.Комилов, А.Раҳмонов, Р.Раҳмонов, А.Жадигеров, С.Соибов, А.Сидоров.
Захирадан майдонга тушганлар: Б.Абдураҳимов, Д.Маҳмудов, Д.Жалолдинов.
Гол: Акром Комилов.

Кейинги ҳафтада жамоа яна бир ўйин ўтказишни режалаштириб турибди. Шунингдек, биринчи лигани муваффақиятли ўтказиб олий лигага қайтилгани муносабати билан байрам тадбири ташкил этилишни ҳам режалаштирган.