ФИФА президенти Йозеф Блаттер УЕФА президенти Мишель Платинининг жаҳон чемпионати иштирокчиларини 40тагача ошириш ҳақидаги фикрига изоҳ билдирди.
«Жаҳон чемпионатида 32 жамоа ўйнайди. Агар мусобақанинг мавқейини сақлаб қолишни хоҳласак, иштирокчилар миқдорини оширмаслик керак. Иштирокчиларнинг сонини ошириш билан ҳеч нарсага эришмаймиз.
Жамоалар сонини 40тагача ошириш? Нимага 48 ёки 64та эмас? Балки жаҳон чемпионатида 128та жамоа қатнашар? Йўқ, биз мусобақанинг обрўсини сақлаб қолишни хоҳлаймиз. Акс ҳолда у «Катта дубулға» мусобақсига ўхшаб қолади.
Лекин мен жаҳон чемпионати квоталарининг минтақалар бўйича тақсимотини кўриб чиқиш тарафдориман. Ҳозирда иккита минтақа 19та йўлланмага эгалик қилади. Менимча, бу борада демократия меъёрларига риоя қилиш керак»,- дейди Блаттер.
