Италиянинг Ортисей шаҳрида давом этаётган теннис бўйича “Челленжер” туркумига кирувчи, мукофот жамғармаси 64 минг евродан иборат турнирда чорак финалчилар маълум бўлди.

Мамлакатимизнинг 2-ракеткаси Фаррух Дўстов иккинчи даврада мусобақанинг 1-рақамли теннисчиси, сайёрамизнинг 25-ракеткаси Андреас Сеппига қарши кортга чиқди.

Дунё рейтингида ўзидан 200 поғонада турган кучли рақибига муносиб қаршилик кўрсатган Дўстов якунда 4:6, 5:7 ҳисобида имкониятни бой берди.

Эслатиб ўтамиз, Фаррух мусобақадаги илк учрашувини мезбон теннисчи Андреа Арнаболдига қарши ўтказиб, 6:2, 6:4 ҳисобида ғалаба қозонганди.